Voleıbol: Qytaıda «Challenge Cup» halyqaralyq týrnıriniń ekinshi kezeńi ótip jatyr
ALMATY. 27 mamyr. QazAqparat - Voleıboldan Qytaıdyń Loıan qalasynda «Challenge Cup» halyqaralyq týrnıriniń ekinshi kezeńin qazaqstandyqtar taǵy da sátsiz bastady.
Gennadıı Parshın baptaıtyn ulttyq qurama jarys qojaıyndaryna 1:3 esebimen ese jiberdi. Olar Lohe qalasynda ótken alǵashqy kezeńde de 0:3 esebimen oısyraı utylǵan bolatyn. Búgin qytaılyqtardyń «Henan Tianguan» komandasymen kúsh synasýda. 23 mamyrda qazaqstandyqtar olardan 2:3 esebimen jeńilgen bolatyn.
Erteń - týrnırdiń aqtyq oıyndary. Qytaılyqtar ózara saıyssa, qazaqstandyqtar Úndistan quramasymen sheberlik baıqasady. Buǵan deıin 22 mamyrda ótken oıynda G.Parshınniń shákirtteri qarsylastarynan 3:2 esebimen basym túsken edi.
