Voleıbol: «Qýanysh» komandasy el chempıony «Turandy» jeńdi

TALDYQORǴAN. KAZINFORM — Taldyqorǵan qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń tórtinshi týrynda «Qýanysh» pen «Turan» kezdesti.

Sársenbi kúni Azamat Esimov jattyqtyratyn soltústikqazaqstandyqtar ekinshi oryndaǵy Óskemenniń «Berel» komandasyn 3:1 jeńgen edi.

Búgin «Qýanysh» ótken jylǵy el chempıony «Turandy» (Túrkistan) kambek jasap, 3:1 (21:25, 25:21, 25:23, 25:20) esebimen tize búktirdi. Osylaısha, ekinshi oryn úshin «Qýanysh» pen «Berel» arasynda talas qyza tústi. 

«Qaraǵandy» komandasy Oraldyń «Gratsııa KZ» klýbyn 3:1 (20:25, 25:19, 27:25, 25:16) esebimen jeńdi. 

Eske sala keteıik, «Arý-Astananyń» kútpegen jerden «Qaraǵandyny» utyp ketkenin jazǵan bolatynbyz.