Voleıbol: «Qýanysh» klýby óz alańynda «Berelden» utylyp qaldy

ASTANA. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonaty tórtinshi úlken týrynyń oıyndary ótip jatyr.

Tórtinshi týrdyń ekinshi kúni ortalyq matchta «Qýanysh» (SQO) pen «Óskemen» komandalary kezdesti.

Osyǵan deıin ıÝrıı Panchenko jattyqtyratyn soltústikqazaqstandyq klýb 66 upaımen ekinshi orynda tursa, óskemendikter (55 upaı) úshinshi satyda edi. 

Bul joly sátti oınaǵan serbııalyq maman Vladımır Vasovıchtiń shákirtteri 3:0 (25:21, 25:20, 25:21) esebimen jeńiske jetti.

Taldyqorǵannyń «Jetisýy» (bas bapkeri Marko Grshıch) qamshy saldyrmaı, 76 upaımen burynǵysha kósh bastap keledi. Taldyqorǵandyqtar aldymen «Astanany» 3:0 (25:12, 25:17, 25:19) esebimen utsa, keshe «Qaraǵandyny» qapy qaldyrdy – 3:0 (25:21, 25:20, 25:18). 

Tórtinshi týr oıyndary 23 naýryzda aıaqtalady. 

Eske sala keteıik, budan buryn «Jetisý» klýbynyń chempıonat bastalǵannan beri upaıdan shashaý shyǵarmaı kele jatqanyn jazǵan bolatynbyz.