Voleıbol: «Qýanysh» klýby ekinshi jyl qatarynan qola júldeger atandy

ASTANA. KAZINFORM – Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonatynda qola júldeger anyqtaldy.

Úshinshi oryn básekede «Qýanysh» (SQO) pen «Turan» (Túrkistan) ekinshi kezdesýin ótkizdi.

Keshe Azamat Esimov jattyqtyratyn soltústikqazaqstandyqtar 3:1 esebimen jeńiske jetken edi. Búgin «Qýanysh» aıqyn basymdylyq kórsetti deýge bolady – 3:0 (25:13, 25:18, 25:18).

Osylaısha, «Qýanysh» ótken jylǵy jetistigin qaıtalady. Al 2024 jyly el chempıony atanǵan «Turan» (bas bapkeri) bıyl júldesiz qaldy.

Besinshi oryn úshin oıynda «Qaraǵandy» klýby aqtóbelikterdi 3:1 (25:17, 23:25, 25:18, 25:23) esebimen utyp, qarymta qaıyrdy. Endi bul básekede qosymsha úshinshi match oınalady.

Eske sala keteıik, budan buryn «Qýanyshtyń»» qola júlde úshin ótken oıynda «Turandy» jeńgenin jazǵan bolatynbyz.

«Jetisý» altyn úshin talasta «Berelden» aılasyn asyrdy.