Voleıbol: «Qýanysh» el kýbogynda «Turanǵa» ketken esesin chempıonatta qaıtardy

ÓSKEMEN. KAZINFORM — Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonaty úshinshi úlken týrynyń oıyndary ótip jatyr.

Beısenbi kúni ortalyq match «Turan» (Túrkistan) men «Qýanysh» (SQO) komandalary arasynda boldy.

Ótken jyl sońynda Asqar Shalqybekov jattyqtyratyn túrkistandyqtar Qazaqstan kýbogynyń fınalynda «Qýanyshty» 3:2 esebimen jeńgen edi.

Bul joly ıÝrıı Panchenkonyń shákirtteri chempıonat aıasyndaǵy oıynda qarsylasyna esh múmkindik qaldyrmaı, qarymta qaıyrdy — 3:0 (25:22, 25:11, 25:11).

Soltústikqazaqstandyqtar 54 upaımen týrnır kestesinde burynǵysha ekinshi orynda keledi. 
Kósh basyndaǵy «Jetisý» (Taldyqorǵan) «Aqtóbeni» aıqyn basymdylyqpen utty — 3:0 (25:10, 25:11, 25:14).

Úshinshi satydaǵy «Berel» (Óskemen) klýby «Astanadan» aılasyn asyrdy — 3:0 (25:16, 25:23, 25:17).

Besinshi oryndaǵy «Qaraǵandy» asa tartysty matchta «Almatyny» qapy qaldyrdy — 3:2 (18:25, 25:17, 25:22, 20:25, 15:9).

Eske sala keteıik, budan buryn voleıboldan «Turannyń» alǵash ret Qazaqstan kýbogyn jeńip alǵanyn jazǵan edik.

Sondaı-aq «Qýanysh» klýby Óskemende «Berelden» basym tústi.