Voleıbol: «QR Prezıdenti kýbogy" XVII halyqaralyq týrnırinde qazaqstandyq áıelder komandasy jeńimpaz atandy
ALMATY. Shildeniń 12-si. QazAqparat /Erlik Erjanuly/ - Keshe Almatyda óz máresine jetken "QR Prezıdenti kýbogy" XVII halyqaralyq týrnırinde qazaqstandyq voleıbolshylar ózderine júktelgen mindetti tolyq oryndady.
Shildeniń 6-synda jalaýy kóterilgen dástúrli bul jarysqa bıyl erler arasynda Iran, Qazaqstan, Reseı jáne Týnısten - 5, al áıelder arasynda Qazaqstan, Qytaı men Ýkraınadan 4 komanda saıysqa tústi.
Tartysty ótken týrnırde áıelder arasynda aqtyq synda Qazaqstan-1 ulttyq quramasy men Qytaıdyń «Djıangsý» komandasy kezdesip, oıyn 3:1 (26:24, 25:20, 23:25, 25:18) esebimen aıaqtaldy. Erler arasynda Reseıdiń «Lokomotıv-Izýmrýd» klýbyn 0:3 esebimen (19:25, 21:25, 16:25) jeńgen Iran ulttyq quramasy týrnır jeńimpazy atandy. Al Qazaqstan-1 ulttyq quramasy - úshinshi, Týnıs ulttyq quramasy - tórtinshi, Qazaqstan-2 ulttyq quramasy besinshi orynǵa taban tiredi.
Jarys qorytyndysynda Elena Ezaýmen ıÝrıı Stýlov (Qazaqstan-1) - úzdik lıbero, Korınna Ishımtseva (Qazaqstan-1) men Marýf Mırsaed (Iran) - úzdik baılanystyrýshy, Olga Nasedkına (Qazaqstan-1) pen Nadı Amreza (Iran) - úzdik tosqaýylshy, Anna Dovgopolıýk (Ýkraına) pen Nazarı Afshar (Iran) - úzdik shabýylshy, Lı Hýı (Kıtaı) men Marat Imangalıev (Qazaqstan-1) úzdik dop berýshi, Jaı Tınglı (Kıtaı) men Kaabı Hıchem (Týnıs) - eń nátıjeli oıynshy, Olga Drobyshevskaıa (Qazaqstan-1) men Vıacheslav Tarasov (Rossııa) eń baǵaly oıynshy atandy.
