Voleıbol: Qazaqstannyń ulttyq quramasy jastardan utylyp qaldy
ASTANA. 27 tamyz. QazAqparat - Keshe, Qazaqstan Prezıdentiniń kýbogy úshin XX Halyqaralyq týrnırinde Qazaqstannyń ulttyq quramasy ózderinen keıingi komandadan (Qazaqstan - 2) utylyp qaldy.
Alańǵa Qazaqstan-1 (negizgi qurama) jáne Qazaqstan-2 (rezerv) bolyp shyqqan voleıbolshylardyń oıyny asa tartysty ótti. Úsh setten keıin Qazaqstan-2 komandasy negizgi quramany 2:1 esebimen jeńip jatty. Alaıda ulttyq quramanyń voleıbolshylary bul partııany óz paıdasyna sheshe bildi. Esep - 2:2. Al sońǵy sette jastar esh qınalmaı, Qazaqstan-1-di 15:9 esebimen jeńip ketti. Sóıtip, bul kezdesýde rezervte turǵan qomanda negizgi quramany qapy qaldyrdy.
Búgin Qazaqstan-2 Bahreınmen kezdesse, negizgi qurama Birikken Arab Ámirlikterimen oınaıdy.
