Voleıbol: Qazaqstannyń áıelder quramasy Gran-Prı básekesine bir taban jaqyndaı tústi
ALMATY. 13 mamyr. QazAqparat /Erlik Erjanuly/ - Keshe Aljırdiń Blıda qalasynda voleıboldan áıelder arasynda Gran-Prı týrnıriniń irikteý kezeńiniń alǵashqy oıyny ótti.
Qazaqstandyqtar alǵashqy synda 25:11, 25:13 jáne 25:21 esebimen alań ıelerinen basym tústi. Bul oıynda alańdaǵy oıynshylardyń biriniń ornyna shyqan Inna Matveeva 18 upaı jınap, eń nátıjeli oıynshy atandy. Búgin komandalar tynyǵyp, erteń ekinshi matchtaryn ótkizedi. Ulttyq qurama endi jarys qojaıyndarynan oıynnyń bir bóliginde ǵana basym tússe sonyń ózi olardyń Gran-Prı jarysynyń negizgi kezeńine joldama alýyna múmkindik beredi. Qazaqstandyq sportshylar Gran-Prı saıysynda buǵan deıin 2007, 2008 jyldary baq synaǵan edi.
