Voleıbol: Qazaqstannyń áıelder quramasy Álem chempıonatynda sátsiz óner kórsetti
ALMATY. 4 qarasha. QazAqparat /Erlik Erjanuly/ - Japonııada áıelder arasynda ótip jatqan Álem chempıonatynda qazaqstandyq voleıbolshylar jarystyń ekinshi kezeńine óte almady.
Olar 29 qazan men 3 qarasha kúnderi ótken alǵashqy kezeńde Matsýmoto qalasynda AQSh, Germanııa, Kýba, Taıland jáne Horvatııa quramalarymen birge «S» tobynda óner kórsetken bolatyn. Onda Nellı Şerbakova jattyqtyratyn el quramasy álemdik reıtıngte ózinen ilgeri turǵan qarsylastarynyń osal tusyn taba almady. Germanııa, AQSh, Horvatııa sportshylaryna 3:0, al Taılandqa 3:1, Kýbaǵa 3:2 esebimen ese jiberdi.
5 upaımen óz tobynda 6-oryndy qanaǵat tutqan olar búgin endi elge oralyp, XVI Azııa oıyndaryna daıyndyqtaryn qaıta pysyqtaýǵa kirispek. Al úzdik tórttiktiń qatarynan oryn alǵan AQSh (10 upaı), Germanııa (9 upaı) jáne Kýba men Taıland (7 upaıdan) 6-10 qarasha kúnderi Nagoııa qalasynda F tobynda jarystyń 2-kezeńinde baq synaıtyn bolady.
