Voleıbol: Qazaqstandyq klýb álem chempıonatyna barady
ASTANA. QazAqparat - Qytaıdyń Chjetszıan qalasynda voleıboldan klýbtar arasynda ótetin álem birinshiligine Qazaqstan tarıhynda alǵash ret Óskemenniń «Altaı» klýby qatyspaq, dep habarlaıdy QazAqparat QR Ulttyq olımpıadalyq komıtetiniń resmı saıtyna silteme jasap.
ıÝrıı Panchenko jattyqtyratyn komanda alǵashqy oıynyn 4 jeltoqsan kúni ótkizedi. Búginde «altaılyqtar» chempıonat aldyndaǵy sońǵy oqý-jattyǵý jıyndaryn Almatyda ótkizip jatyr.
Atalǵan aqparat kózinde «Altaı» quramy bıyl kóptegen legıonerlermen tolyqtyrylǵan. Alaıda, otandyq voleıbolshylardyń úles salmaǵy basym.
Álem birinshiligine Óskemenniń «Altaı» komandasy túrkııalyq «Edjzachıbashy», brazılııalyq «Praııa» jáne taılandtyq «Sýprım» komandalarymen bir topta oınaıdy.
Klýbtar arasyndaǵy álem chempıonatynda synǵa túsetin «Altaı» komandasynyń quramy tómendegideı:
Sana Anarqulova, Krıstına Anıkonova, Olga Drobyshevskaıa, Álııa Sadyqova, Natalıa Sharshakova, Natalıa Mammadova, Mateıa Ikıch, Natalıa Akılova, Tatıana Fendrıkova, Krıstına Belova, Aınagúl Aıjaryqova, Sılvııa Popovıch, Boıana Radýlovıch, Aıdana Oryntaeva, Ana Sofııa ıÝsıno, Botagóz Sársenbaeva.
