Voleıbol: Qazaqstan qyzdary Olımpıadaǵa irikteý kezeńinde ekinshi jeńisine jetti
NUR-SULTAN. QazAqparat - Búgin Qazaqstan quramasy Taılandtyń Nakhonratchasıma qalasynda voleıboldan qyzdar arasyndaǵy Tokıo Olımpıadasyna irikteý kezeńindegi ekinshi oıynda Indonezııa quramasynan basym tústi, dep habarlaıdy QazAqparat tilshisi.
Qazaqstandyq voleıbolshylar búgin úsh sette de basym oınady. Nátıjesinde birinshi sette qarsylasyn 25:22 esebimen jeńse, odan keıin 25:23, 25:18 esebimen jeńip ketti. Jalpy oıynda Indonezııany 3:0 esebimen tize búktirdi.
Qazaqstan V tobynda synǵa túsedi. Qarsylastary - Ońtústik Koreıa, Iran jáne Indonezııa. Endi qazaqstandyq voleıbolshylar 9 qańtarda Ońtústik Koreıamen sheberlik baıqasady. Budan buryn qazaqstandyq qurama Irandy 3:0 esebimen jeńgen bolatyn. Búgin atalmysh toptaǵy Ońtústik Koreıa men Iran quramalary kezdesedi.
Al 11 qańtarda jartylaı fınal ótse, 12 qańtarda fınal bolady. Jeńimpaz qurama Olımpıadaǵa qatysýǵa múmkindik alady. Dúbirli dodada álemniń ár qıyrynan kelgen 12 quram baq synaıdy.
Qazaqstan qyzdary 2008 jyly Olımpıada oıyndaryna qatysyp, onda jalpy komandalyq esepte toǵyzynshy oryn alǵan bolatyn.
