VOLEIBOL: Qazaqstan quramasy Azııa kýbogynyń kúmis júldesin enshiledi
ASTANA. QazAqparat - Qazaqstannyń voleıboldan áıelder quramasy Vetnamda Azııa kýbogynyń kúmis júldesin enshiledi. Fınaldyq oıynda jerlesterimiz Qytaı quramasyna ese jiberdi - 19:25, 19:25, 13:25.
Bul týraly sports.kz habarlady.
Qola júldeni úshinshi oryn úshin talasta Japon quramasyn úsh partııada da jeńgen Taıland voleıbolshylary ıelendi.
Voleıboldan áıelder arasynda Azııa kýbogy 2008 jyldan beri ár eki jyl saıyn ótkizilip keledi. Qytaı quramasy bul týrnırde osymen tórtinshi márte jeńiske jetip otyr. Qazaqstan quramasy bolsa, 2012 jáne 2014 jyldary qola júlde enshilegen. Eń úzdik nátıjesi bıyl tirkelip otyr.
Komandalardyń qorytyndy nátıjesi:
1. Qytaı
2. Kazaqstan
3. Taıland
4. Japonııa
5. Kytaılyq Taıpeı
6. Iran
7. Vetnam
8. Ońtústik Koreıa.
