Voleıbol: Qazaqstan kýbogynyń shırek fınalynda «TNK Qazhrom» komandasy kósh bastap keledi
ALMATY. 25 qazan. QazAqparat /Erlik Erjanuly/ - Erteń voleıboldan erler arasynda Almatyda ótip jatqan KSRO Sport sheberi jáne eńbek sińirgen jattyqtyrýshy Oktıabr Jarylqapovty eske túsirýge arnalǵan Qazaqstan kýbogynyń shırek fınaldyq oıyndardyń aqtyq kezdesýleri bolady.
Týrnır kestesinde kósh bastap kele jatqan «TNK «Qazhrom» (Hromtaý) men «|Almaty» komandalarynyń esebinde bir-bir jeńilis bar. Hromtaýlyqtar «Atyraý» men «Ushqyn-QazUAÝ»(Almaty), «Taraz-TarMÝ komandalaryn 3:0, «Almaty» komandasyn 3:2 esebimen utyp, «Shyǵys-Qorǵasyn Qurylysqa» (Óskemen) 2:3 esebimen ese jibergen edi. «Almatylyqtar» atyraýlyq, óskemendik, tarazdyq qarsylastaryn 0:3, qyzyljarlyqtardy («Esil») 1:3 esebimen qapy qaldyryp, hromtaýlyqtarǵa 3:2 esebimen ese jiberdi. Búgin endi hromtaýlyqtar qyzyljarlyqtarmen, almatylyqtar shymkenttiktermen («Dınamo-Qazyǵurtpen») kúsh synasýda, erteń aqtyq oıynda «Almaty» men «Ushqyn-QazUAÝ», «Dınamo-Qazyǵurt» pen «TNK «Qazhrom» kezdesedi. Bul jarysta úzdik tórttiktiń qataryna engender 29-30 qazanda Almatyda Qazaqstan kýbogynyń júldeli oryndary sarapqa salynatyn jartylaı jáne aqtyq saıysta baq synaıtyn bolady.
