Voleıbol: Qazaqstan kýbogynyń shırek fınalynda kóshbasshylar ózara kúsh synasýda
ALMATY. 18 qazan. QazAqparat - Voleıboldan erler komandalary arasynda Hromtaýda ótip jatqan HHІ Qazaqstan kýbogynyń shırek fınaldyq oıyndarynda alǵashqy 2 kezdesýde múmkin bolǵan eń joǵarǵy 6 upaıdy tolyq óz qorjynyna salǵan Oral, Almaty, Pavlodar sportshylary kósh bastaýda.
Búgin «Almaty» men «Kondensat-Jaıyqmunaı» arasyndaǵy saıystan keıin týrnır kestesine ózgeredi dep kútilýde. Bul saıys pavlodarlyqtardyń jaǵdaıyn jaqsartýy múmkin. Óıtkeni alǵashqy 2 komandadan upaı koeffıtsenti boıynsha ǵana artta kele jatqan olardyń bul jolǵy qarsylasy týrnır kestesiniń sońyndaǵy Qyzyljardyń «Esili» bolyp otyr. Pavlodarlyqtarǵa 1:3 bop ese jiberip, almatylyqtardyń «Ushqyn-QazUAÝ» komandasyn 3:0 esebimen jeńip, 3 upaımen 4-shi orynǵa turaqtaǵan óskemendikter qorjyny bos kele jatqan atyraýlyqtarmen aıqasýda. Al almatylyqtarǵa 3:0 esebimen ese jibergenimen, dál osyndaı eseppen «Esildiń» esin alǵan hromtaýlyq «TNK Qazhrom» upaılary tolyq úsheýdiń biri sanalatyn «Ushqyn QazUAÝ»-men kúsh synaspaq.
Jalpy 16-qazanda bastalǵan bul jarys aldaǵy sársenbi kúni óz máresine jetedi. Onda úzdik shyqqan 4 komandanyń ǵana jartylaı synǵa joldama alatynyn eskersek, kimniń qandaı múmkindigi bar ekendigi qazirden-aq baıqala bastaǵandaı. Degenmen onyń naqty nátıjesi 23-qazanda belgili bolmaq.
