Voleıbol: Qazaqstan kýbogynyń shırek fınalynda Almatynyń namysyn 2 komanda qorǵaıtyn boldy
ALMATY. 10 qazan. QazAqparat - Hromtaýda 16-23 qazan kúnderi voleıboldan erler arasyndaǵy Qazaqstan kýbogynyń shırek fınaldyq oıyndaryna qatysatyn komandalar anyqtaldy.
2-7 qazanda Óskemende ótken alǵashqy raýndta kúsh synasqan 10 komandanyń ishinen úzdik shyqqan tórteýi endi shırek fınalda baq synaıtyn boldy. «Shyǵys-QorǵasynQurylys» (Óskemen), «Atyraý», «Esil» (Qyzyljar), «Ushqyn-QazUAÝ» (Almaty) voleıbolshylary endi «Almaty», «TNK Qazhrom» (Hromtaý), «Kondensat» (Oral), «Pavlodar» komandalarymen birge jartylaı fınaldyń joldamasyna talasatyn bolady. Olardyń jeteýi Ulttyq lıgadaǵy komandalar bolsa, «Ushqyn-QazUAÝ» Joǵary lıganyń «A» dıvızıonynda óner kórsetip júrgen ujym bolyp tabylady.
