Voleıbol: Qazaqstan chempıonatynyń 1-týr oıyndary aıaqtaldy
ALMATY. 17 qarasha. QazAqparat /Erlik Erjanuly/ - Almatyda voleıboldan Joǵarǵy lıganyń "A" tobyndaǵy erler komandalary arasynda XIX Qazaqstan chempıonatynyń 1-týr oıyndary óz máresine jetti.
9-15 qarasha aralyǵynda ótken bul dodada Shymkent qalasynyń «OQMÝ-Qazyǵurt» 21 upaımen týrnır kestesinde kósh bastady. Olar 7 oıynnyń úsheýinde 3:0, tórteýinde 3:1 esebimen basym tústi. Al shymkenttikterge 3:0 esebimen utylyp, ózge kezdesýde mereıi ústem shyqqan Astana qalasynyń "Ushqyn-Iskra" komandasy 17 upaımen 2-shi orynda kele jatyr. Odan keıingi satyda qorjyndarynda 13 upaıy bar Pavlodar oblysynyń «Ertis» jáne Oral qalasynyń "Jaıyq-Kondensat" komandalary jaıǵasqan. Al týrnır kestesindegi 7-8 oryndardy "Atyraý-2" (2 upaı) men "TsSKA-Almaty" (1 upaı) voleıbolshylary túıindep tur.
