Voleıbol: Qazaqstan chempıonatynda pleı-off kezeńine shyqqan komandalar anyqtaldy

ASTANA. KAZINFORM — Taldyqorǵan qalasynda voleıboldan áıelderdiń ulttyq lıga komandalary arasynda Qazaqstan chempıonatynyń tórtinshi, qorytyndy týry máresine jetti.

Týrdyń sońǵy kúni kósh basyndaǵy «Jetisý» (Taldyqorǵan) Oraldyń «Gratsııa KZ» komandasyn 3:0 (25:15, 25:17, 25:8) esebimen tize búktirip, upaı sanyn 76-ǵa jetkizdi. 

«Aqtóbe» 10-orynda qalǵan Pavlodardyń «Ertisin» 3:1 (25:18, 25:23, 20:25, 25:17) 3:1 esebimen jeńip, 32 upaımen 6-satyǵa turaqtady.

«Arý-Astanany» 3:0 (25:18, 25:16, 25:20) esebimen utqanymen, «Qýanysh» (SQO) 66 upaımen úzdik úshtikti túıindedi. 

Osylaısha, alǵashqy eki orynnan kóringen «Jetisý» men «Berel» (Óskemen) jartylaı fınalǵa birden joldama aldy. 

Pleı-off kezeńine shyqqan komandalar ishinen A tobyna «Qýanysh», «Turan» (Túrkistan) jáne «Almaty» tústi. Sóıtip ótken jylǵy chempıon «Turan» men qola júldeger «Qýanyshtyń» biri medaldan tys qalatyn boldy.

B tobynda «Qaraǵandy», «Aqtóbe» jáne «Arý-Astana» klýbtary ózara synǵa túsedi.

Top jeńimpazdary ǵana jartylaı fınalǵa shyǵyp, «Jetisý», «Berelmen» oınaıdy. 

Eske sala keteıik, budan buryn «Berel» komandasynyń Qazaqstan chempıonatynyń jartylaı fınalyna shyqqanyn jazǵan edik.