Voleıbol: Qazaqstan áıelder quramasyna Olımpıada joldamasy buıyrmady
NUR-SULTAN. QazAqparat – Voleıboldan AQSh-ta ótken Tokıo Olımpıadasyna irikteý týrnırinde Qazaqstan áıelder quramasy joldamaǵa qol jetkize almady, dep habarlaıdy QazAqparat tilshisi.
Búgin voleıboldan Qazaqstan áıelder komandasy AQSh-ta ótken Tokıo Olımpıadasyna irikteý týrnırin nátıjesiz aıaqtady.
Qazaqstandyqtar sońǵy oıyndy Bolgarııa quramasyna qarsy ótkizgen bolatyn. Ókinishke qaraı qarsylastaryna 0:3 esebimen utyldy. Qazaqstandyqtardyń bul atalǵan týrnırdegi úshinshi jeńilisi.
Osyǵan deıin bizdiń komanda alǵashqy kezdesýde jarys qojaıyny amerıkalyqtarmen kezdesip, 0:3 esebimen jol berdi. Bizdiń komanda úsh partııada 17:25, 10:25, 10:25 esebimen utylǵan. Al ekinshi kezdesýde Argentınamen synǵa túsken otandastarymyz kezdesý qorytyndysy boıynsha 1:3 (25:22, 8:25, 20:25, 16:25) esebimen jeńilis tapty.
Jalpy esep qorytyndysy boıynsha qarsylastarynan irikteý týrnırinde Tokıo Olımpıadasynyń joldamasyn amerıkalyqtar jeńip aldy.
