Voleıbol: Qazaqstan áıelder quramasy jartylaı fınalda Taılandpen kezdesedi
NUR-SULTAN. QazAqparat - Búgin voleıboldan Taılandtyń Nakhonratchasıma qalasynda ótip jatqan áıelder arasyndaǵy Tokıo Olımpıadasyna irikteý kezeńinde jartylaı fınalǵa joldama alǵan quramalar tolyqtaı anyqtaldy, dep habarlaıdy QazAqparat tilshisi.
Jartylaı fınalda 11 qańtarda Qazaqstan men Taıland, Ońtústik Koreıa men Qytaılyq Taıbeı quramalary sheberlik baıqasady. Al 12 qańtarda fınal ótkiziledi. Jeńimpaz qurama Olımpıadaǵa qatysýǵa múmkindik alady. Dúbirli dodada álemniń ár qıyrynan kelgen 12 qurama baq synaıdy.
Qazaqstan qyzdary 2008 jyly Olımpıada oıyndaryna qatysyp, onda jalpy komandalyq esepte toǵyzynshy oryn alǵan bolatyn .
Al Qytaıdyń Tszıanmyn qalasynda Tokıo Olımpıdasyna irikteý týrnırinde Qazaqstan erler quramasy A tobynda Iran, Qytaı, Taıvan quramalarynan jeńilip, óz tobynda tórtinshi oryndy mise tutty.
