VOLEIBOL: Qazaqstan áıelder quramasy Taılandty jeńip, toptyq kezeńge shyqty
ORAL. QazAqparat - Italııanyń Verona qalasynda voleıboldan áıelder quramasy arasynda ótip jatqan álem chempıonatynda keshe Qazaqstan ulttyq quramasy Taılandpen alańǵa shyǵyp, ekinshi toptyq kezeńge beriler joldamany sarapqa saldy.
Bul oıynda Aleksandr Gýtor baptaıtyn qazaqstandyq qyzdar taılyqtardy bet qaratpaı 3:0 esebimen utyp, óz tobynda tórtinshi oryndy ıelendi. Sóıtip óz tarıhynda tuńǵysh ret ekinshi toptyq kezeńge ótip, úzdik on alty komandanyń qatarynan tabyldy. Buǵan deıingi qazaqstandyq qyzdardyń úzdik kórsetkishi dep Beıjiń olımpıadasyndaǵy toǵyzynshy oryndy aıtýǵa bolady.
Endi Qazaqstan ulttyq quramasy 1 qazannan bastap Brazılııa, Serbııa, Túrkııa, Bolgarııamen synǵa túsetin bolady.
Aıta keteıik, ulttyq qurama sapynda Oral voleıbolynyń túlegi Sara Anarqulova da óner kórsetýde.
