Voleıbol: Qazaqstan áıelder quramasy irikteý týrnıriniń jartylaı fınalyna shyqty
NUR-SULTAN. QazAqparat – Taılandta voleıboldan áıelder arasyndaǵy irikteý týrnıri ótip jatyr. Búgin, 9 qańtarda Qazaqstan komandasy kezekti oıynyn ótkizdi, dep habarlaıdy QazAqparat Olympic.kz-ke silteme jasap.
Bizdiń sportshylarymyz Ońtústik Koreıa komandasymen kezdesip, match 0:3 esebimen aıaqtaldy. Osylaısha, Qazaqstan top ishinde ekinshi oryndy ıelendi. Bul kórsetkish týrnırdiń jartylaı fınalyna shyǵýǵa múmkindik berdi.
Esterińizge sala keteıik, jarys nátıjesinde 2020 jylǵy Olımpıada oıyndaryna joldama beriledi.
