Voleıbol: Italııadaǵy halyqaralyq týrnırde qyzdar quramasy 6-oryn aldy
ALMATY. 2 sáýir. QazAqparat - Italııanyń Pordenon qalasynda 30 naýryz ben 1 sáýir aralyǵynda voleıboldan 19 jasqa deıingiler arasynda HHHІ «Memorial Ferruccio Cornacchia» halyqaralyq týrnıri ótti.
Bul básekede Lıýdmıla Perevertova jattyqtyratyn qyzdar quramasy AQSh, Vengrııa, Italııa, Germanııa, Slovakııa, Horvatııa, Shveıtsarııa elderinen kelgen 16 komandanyń arasynda 6-orynǵa taban tiredi. Úzdik úshtikke AQSh-tyń Mınneapolıs qalasynyń «Northern Lights» , Italııanyń «Argentario» komandalary men Slovakııa quramasy endi.
Al Grıgorıı Neklıýdov baptaıtyn erler quramasy bolsa Belgııa, Bolgarııa, Germanııa, Italııa, Reseı, Shvetsııa, Shveıtsarııa jáne Chılı elderiniń 16 komandasy arasynda 11-oryndy qanaǵat tutty. Onda 1-3 oryndardy Reseı, Shvetsııa jáne Italııa quramalary ózara bólisti.
