Voleıbol: Hromtaýda Qazaqstan kýbogynyń shırek fınaldyq oıyndary ótip jatyr
ALMATY. Qazannyń 14-i. QazAqparat /Erlik Erjanuly/ - Keshe Hromtaý qalasynda voleıboldan erler komandalary arasynda Qazaqstan kýbogynyń shırek fınaldyq oıyndary bastaldy.
Alǵashqy oıynda jarys qojaıyndary «Kazhrom» Pavlodar oblysynyń "Ertis-AO AK" komandasyn jáne Oraldyń «Kondensaty» Astananyń «Ushqynyn» (3:0) oısyrata utty. Ózge kezdesýlerde óskemendikterdiń "Shyǵys-Qorǵasyn-Qurylysy" semeılik qurdastarynan basym tússe (3:1), atyraýlyqtar Qyzyljardyń "Esiline" 2:3 esebimen ese jiberdi. Búgin endi pavlodarlyqtar astananalyq, semeılikter oraldyq, qyzyljarlyqtar óskemendik, al hromtaýlyqtar atyraýlyqtarmen synǵa túskeli otyr. Jalpy, qazannyń 20-syna deıin sozylatyn bul dúbirli dodada úzdik shyqqan 4 komanda jarystyń kelesi kezeńine joldama alatyn bolady.
