Voleıbol: Hromtaý men Atyraýdyń jigitteri jeńilissiz kele jatyr
ALMATY. 15 qarasha. QazAqparat - Almatyda voleıboldan Joǵary lıganyń «B» dıvızıonyndaǵy erler komandalary arasynda Qazaqstan chempıonatynyń 1-týrynda alǵashqy 3 kezdesýdiń qorytyndysy boıynsha 2 komanda ǵana jeńilissiz kele jatyr.
Qazir týrnır kestesinde 9 upaımen «TNK Qazhrom-2» (Hromtaý) kósh bastap kele jatyr. Odan 1 upaıy kem «Atyraý-2» voleıbolshylary ekinshi orynda tur. Al Qyzylordanyń «Qorqyt Ata QMÝ» (4 upaı), «Qostanaı (3 upaı), «Taraz-TarmÝ», (2 upaı) «Astana -Ulan» (1 upaı) komandalary 3-6 oryndardy ózara bólisýde.
Keshe bir kúndik úzilis alǵan komandalar búgin jarysty qaıta jalǵastyrady. Onda astanalyqtar qostanaılyqtarmen, tarazdyqtar qyzylordalyqtarmen, hromtaýlyqtar atyraýlyqtarmen kúsh synasady. Al erteń atyraýlyqtar astanalyq, qyzylordalyqtar hromtaýlyq, qostanaılyqtar tarazdyq voleıbolshylarmen birinshi 3 týrdyń aqtyq oıynyn ótkizedi.
