Voleıbol: El chempıonatynyń 5-týrynan keıin de "Jetisý" komandasy kósh bastap keledi
ALMATY. 3 sáýir. QazAqparat /Erlik Erjanuly/ - Keshe Astanada voleıboldan Ulttyq lıgadaǵy áıelder komandalary arasynda HІH Qazaqstan chempıonatynyń 5-týr oıyndary aıaqtaldy.
Naýryzdyń 28-i men sáýirdiń 2-si aralyǵynda ótken bul básekede Almaty oblysynyń «Jetisýy» barlyq kezdesýdi (bir kezdesýdi ǵana 3:2, al qalǵany 3:0 esebimen) aıaqtap upaı qoryn 39-dan 49-ǵa deıin jetkizdi. Úzdik úshtiktegi Qaraǵandy oblysynyń «Qaraǵandysy» 33-ten 42-ge, Pavlodar oblysynyń «Ertis-Qazhromy» 33-ten 41-ge ulǵaıtty. Al týrnır kestesiniń ekinshi jartysynan oryn tepken astanalyqtar - 7 (36), almatylyqtar - 5 (30) jáne temirtaýlyq «Metallýrg AMT» komandasy 6 (27) upaı jınady. Endi 19-24 sáýir kúnderi Taldyqorǵanda 6-týr ótedi. Bul Ulttyq lıgadaǵy áıelder komandalary arasyndaǵy el chempıonatynyń aqtyq kezeńi bolmaq. Jalpy aınalym júıesi boıynsha ótetin el chempıonaty 6 týrda turady.
