Voleıbol: El chempıonatynyń 1-týrynda almatylyqtar men óskemendik jeńilissiz keledi
ALMATY. 21 jeltoqsan. QazAqparat /Erlik Erjanuly/ - Hromtaýda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 1-týr oıyndary ótip jatyr.
Alǵashqy eki kúnniń qorytyndysy boıynsha «Almaty» jáne Óskemenniń «Shyǵys-QorǵasynQurylys» komandalary ǵana jeńilissiz kele jatyr. Almatylyqtar Qyzyljardyń «Esil» jáne Hromtaýdyń «TNK Qazhrom» komandalaryn 3:2 esebimen utty. Al «Shyǵys-QorǵasynQurylys» "Atyraý" komandasyn 3:0, al "Esildi" 3:1 esebimen jeńdi. Alǵashqy kúni jarys qojaıyny "TNK Qazhrom" klýbynan 3:0 esebimen oısyraı utylǵan Oraldyń "Kondensaty" ekinshi oıynda atyraýlyqtardan dál osyndaı eseppen basym tústi. Al atyraýlyqtar eki oıynda da qarsylastarynan iri eseppen utylyp, týrnır kestesinde kósh sońynda keledi.
