VOLEIBOL: el chempıonatynda burynǵysha «Taraz» alda keledi
ASTANA. QazAqparat - Voleıboldan erlerdiń ulttyq lıga komandalary arasyndaǵy el birinshiliginde Taraz ben Hromtaýda ótken ekinshi kishi týrdan keıin burynǵysha «Taraz» komandasy jeke-dara alda keledi.
Tarazdyqtar óz alańynda el chempıony «Almaty», «Pavlodar» jáne Óskemenniń «ShyǵysQorǵasynQurylys» komandasyn jeńip, segiz upaı ıelendi. Sóıtip olar upaılarynyń jalpy sanyn 27-ge jetkizdi. Almatylyqtar men óskemendikterdi tize búktirgen «Pavlodar» 20 upaımen ekinshi orynǵa jaıǵasty. Hromtaýda barlyq úsh komandany da utyp, segiz upaıdy óz esebine jazǵan «TNK «Kazhrom» klýby barlyǵy 17 upaımen úshinshi orynǵa kóterildi. «Almaty» men «Atyraý» 15 upaımen tórtinshi-besinshi oryndardy bólisse, bul kishi týrda tek «Esildi» ǵana utqan «Kondensat-Jaıyqmunaı» 14 upaımen altynshy satyda keledi.
Kelesi, ekinshi úlken týr oıyndary Pavlodar qalasynda 8-13 qańtar aralyǵynda ótip, onda barlyq segiz komanda bas qosady.
