Voleıbol: el birinshiliginde «Kondensat-Jaıyqmunaı» komandasy kósh bastap keledi
ORAL. 13 jeltoqsan. QazAqparat - Voleıboldan erlerdiń ulttyq lıga komandalary arasynda QR chempıonatynda Oraldyń «Kondensat-Jaıyqmunaı» komandasy 13 upaımen jeke dara kósh bastap keledi.
Hromtaý qalasynda ótip jatqan birinshi týrda keshe batysqazaqstandyqtar «Pavlodar» komandasyn 3:0 esebimen tize búktirip, qatarynan besinshi jeńisine qol jetkizdi. Esesine el chempıony «Almaty» komandasy úshin bıylǵy maýsym sátsiz bolyp tur. Olar keshe alań ıeleri «TNK Kazhrom» komandasyna 1:3 esebimen utylyp, tórtinshi orynǵa túsip qaldy. Óskemenniń «ShyǵysQorǵasynQurylysy» men hromtaýlyqtar 10 upaımen ekinshi, úshinshi oryndardy bólisýde.
Búgin komandalar demalady. Erteń «Kondensat-Jaıyqmunaı» - «ShyǵysQorǵasynQurylys», «Atyraý» - «Pavlodar», «Esil» (Petropavl) - «Almaty», «TNK Kazhrom» - «Taraz», 15 jeltoqsan, sońǵy kúni «Atyraý» - «Almaty», «Kondensat-Jaıyqmunaı» - «Taraz», «Esil» - «Pavlodar», «TNK Kazhrom» - «ShyǵysQorǵanysQurylys» ózara kúsh synasady.
