Voleıbol: Chempıondyq básekede «Berel» óz alańynda «Jetisýdan» ese qaıtardy

ASTANA. KAZINFORM – Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonatynyń fınalynda «Berel» men «Jetisý» ekinshi kezdesýin ótkizdi.

Birinshi oıynda serbııalyq Marko Grshıch jattyqtyratyn taldyqorǵandyqtar 3:1 esebimen jeńiske jetken edi. Olar búgin utqan jaǵdaıda chempıon atanatyn edi.

Alań ıeleri sapynda alǵashqy fınaldyq básekege qatyspaǵan negizgi baılanystyrýshy, kanadalyq Kım Robıtaı qaıta shyqty.

Birinshi partııada Rıshat Gılıazýtdınovtiń shákirtteri 25:20 esebimen basym tústi. Ekinshisinde «Jetisý» dál sondaı eseppen qarymta qaıyrdy – 25:20. Degenmen budan keıin óskemendikter kúsh alyp ketti – 25:21, 25:22. Qorytyndy esep – 3:1.

Voleıboldan áıelder komandalary arasynda Qazaqstan chempıony erteń ótetin qosymsha matchta anyqtalady. 

Eske sala keteıik, budan buryn «Qýanysh» klýbynyń ekinshi jyl qatarynan qola júldeger atanǵanyn jazǵan bolatynbyz.