Voleıbol: «Býrevestnık» Pavlodarda alty kezdesýdiń beseýinde jeńiske jetti

PAVLODAR. KAZINFORM  - Pavlodar qalasynda voleıboldan erlerdiń ulttyq lıga komandalary arasynda Qazaqstan chempıonatynyń ekinshi týry Almatynyń «Býrevestnık» klýby úshin sátti ótti.

Igor Nıkolchenkonyń shákirtteri barlyǵy alty kezdesý ótkizip, sonyń beseýinde qarsylastaryn qapy qaldyrdy.

Almatylyqtar «Atyraýǵa» ǵana tartysty matchta 2:3 esebimen ese jiberdi.

Sońǵy týrda «Býrevestnık» kósh sońyndaǵy «Ushqyn-Kókshetaýmen» kezdesti. Birinshi partııada almatylyqtar aıqyn basymdyq kórsetti – 25:14. Ekinshi sette kókshetaýlyqtar tarazy basyn teńestirdi – 25:19. Biraq odan árige shamasy jetpedi – 20:25, 17:25.

Osylaısha, «Ushqyn-Kókshetaýdy» 3:1 esebimen jeńip, upaı sanyn 22-ge jetkizgen almatylyq komanda onlaın týrnır kestesinde tórtinshi orynǵa kóterildi. Ony «Jaıyqpen» (Oral) ótetin sońǵy oıynda upaı alsa, pavlodarlyqtar basyp oza alady.

Ekinshi týrda «Býrevestnıkten» Sergeı Rezanov, «Ushqyn-Kókshetaýdan» reseılik Kırıll Vlasov úzdik oıynshy bolyp tanyldy.

Eske sala keteıik, budan buryn «Atyraý» voleıbol klýbynyń ekinshi týrdy jeńispen aıaqtaǵanyn jazǵan bolatynbyz.

Condaı-aq voleıboldan el chempıonatynda «Aqtóbe» ekinshi orynǵa kóterildi.