Voleıbol: «Býrevestnık» qatarynan úshinshi kezdesýinde jeńiske jetti

TALDYQORǴAN. KAZINFORM — Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Býrevestnık» qatarynan úsh kezdesýinde jeńiske jetti.

Buǵan deıin almatylyqtar «Aqtóbe» men «Jetisý» voleıbol komandalarynan basym túsken edi.

Bul joly Igor Nıkolchenkonyń shákirtteri ótken jylǵy kúmis júldeger «Pavlodar» klýbymen sheberlik baıqasyp, jeńiske jetti. 

Asa tartysty ótken básekede «Býrevestnık» komandasy  — 3:2 (25:23, 20:25, 25:22, 22:25, 15:6) esebimen úzdik shyqty. 

Osylaısha, 29 upaı jınaǵan «Býrevestnık» týrnır kestesinde úshinshi orynǵa kóterildi.

Eske sala keteıik, budan buryn «Jetisýdyń» óz alańynda «Býrevestnıkten» jeńilip qalǵanyn jazǵan bolatynbyz.