Voleıbol: búgin Pavlodarda erlerdiń ulttyq lıga komandalary arasynda «úlken» ekinshi týr oıyndary bastalady
ORAL. 27 qańtar. QazAqparat - Búgin Pavlodar qalasynda erlerdiń ulttyq lıga komandalary arasynda QR HHІІ chempıonaty «úlken» ekinshi týrynyń oıyndary bastalady.
Eske sala keteıik, birinshilikte 27 upaımen Oraldyń «Kondensat-Jaıyqmunaı» komandasy jeke-dara kósh bastap keledi. Óskemenniń «ShyǵysQorǵasynQurylysy» (23 upaı) ekinshi, el chempıony «Almaty» men «TNK «Kazhrom» komandalary (19 upaı) úshinshi-tórtinshi oryndardy bólisýde. Igor Nıkolchenko jattyqtyratyn batysqazaqstandyqtar bıylǵy chempıonatta ázirge jeńilip kórgen joq. «Kondensat-Jaıyqmunaıda» negizinen Oral voleıbolynyń túlekteri oınaıdy. Qazaqstan ulttyq quramasynyń múshesi Vıtalıı Vorıvodın babynda, sondaı-aq sońǵy jyldary Anton Kýznetsov, Vladımır Kýznetsov, lıbero Mırlan Badashev, Aıdyn Ádilbekov syndy jas voleıbolshylar ósip keledi. Baılanystyrýshy, ýkraınalyq legıoner Roman Handrolın de sátti oınaýda. Bul joly oraldyqtar 27 qańtar kúni «Taraz», 28-inde «Pavlodar», 30-ynda «Almaty», 31-inde «ShyǵysQorǵasynQurylyspen» kúsh synasady.
