Voleıbol: «Berel» komandasy «Qaraǵandydan» jeńilip qaldy

ASTANA. KAZINFORM – Taldyqorǵan qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń tórtinshi týrynda «Berel» (Óskemen) men «Qaraǵandy» sheberlik baıqasty.

Rıshat Gılıazýtdınov jattyqtyratyn óskemendikter 64 upaımen týrnır kestesinde ekinshi orynda tursa, «Qaraǵandy» (bas bapkeri Nurlan Sadyqov) – úzdik tórttikten úmitker komandanyń biri.

Qaraǵandylyqtar bul básekede 3:0 (25:20, 25:18, 25:23) esebimen jeńiske jetip, 50 upaımen tórtinshi satyǵa taban tiredi. Tórtinshi oryn taǵdyry seısenbi kúni ótetin «Qaraǵandy» - «Turan» matchynda sheshiledi.

Sol sekildi erteń «Almatyny» jeńse, «Berel» de úshinshi orynda turǵan «Qýanyshqa» báribir jetkizbeıdi. Sóıtip «Jetisýmen» birge jartylaı fınalǵa birden joldama alady. 

Eske sala keteıik, budan buryn voleıboldan Qazaqstan chempıonatynda «Jetisý» jartylaı fınalǵa joldama alǵanyn jazǵan edik.