Voleıbol: «Berel» el chempıony «Turan» komandasyn utty

PETROPAVL. KAZINFORM — Petropavlda voleıboldan áıelderdiń ulttyq lıga komandalary arasynda Qazaqstan chempıonatynda ortalyq matchta «Berel» (Óskemen) men «Turan» (Túrkistan) alańǵa shyqty.

Rıshat Gılıazýtdınov jattyqtyratyn óskemendikter osy maýsymda kósh bastaýshylardyń qatarynan tabylsa, túrkistandyqtar ótken jyly el chempıony atanǵan edi.

Bul joly «Berel» qarsylasyn 3:1 (25:17, 25:12, 19:25, 25:21) tize búktirdi. Sóıtip óskemendikter burynǵysha «Jetisý» (Taldyqorǵan) komandasymen quıryq tistesip keledi.

Soltústikqazaqstandyq «Qýanysh» óz alańynda «Aqtóbeni» 3:0 (25:20, 25:11, 25:16) esebimen onsha qınalmaı utyp, týrnır kestesinde 34 upaımen úshinshi orynǵa kóterildi. 

Pavlodardyń «Ertisi» tartysty básekede «Arý-Astana» komandasyn 3:2 (18:25, 25:20, 28:30, 25:23, 15:10) qapy qaldyryp, osy chempıonattaǵy alǵashqy eki upaıyna qol jetkizdi. 

Dúısenbi kúni «Arý-Astana» — «Gratsııa KZ», «Almaty» — «Jetisý», «Turan» — «Ertis», «Aqtóbe» — «Berel», «Qýanysh» — «Qaraǵandy» komandalary kezdesedi.

Eske sala keteıik, budan buryn Petropavlda voleıboldan áıelder arasynda ulttyq lıga komandalary synǵa túsetinin jazǵan bolatynbyz.

Sondaı-aq Oralda voleıboldan qyzdar arasynda Qazaqstan qysqy chempıonaty aıaqtaldy.

«Jetisý» voleıbol klýby Petropavldaǵy týrdy jeńispen bastady.