Voleıbol: Azııa chempıonatynda jerlesterimiz óz tobynda 3-oryn aldy
ALMATY. 26 qyrkúıek. QazAqparat /Erlik Erjanuly/ - Voleıboldan Tegeranda ótip jatqan erler komandalary arasyndaǵy XVI Azııa chempıonatynda qazaqstandyqtar 9-16-shy oryn úshin talasýda.
Iran astanasyndaǵy bul dúbirli dodaǵa qurlyqtyń úzdik 16 komandasy qatysqan bolatyn. Onda alǵashqy kezeńde óz tobynda 1-2-shi oryn alǵan Úndistan, Japonııa, Ońtústik Koreıa, Qytaı, Avstralııa, Shrı-Lanka, Iran men Pákistan júldeli oryndarǵa talasýǵa múmkindik aldy. S tobynda 3-oryn alǵan Gennadıı Parshınniń tálimgeleri alǵashqy endi 9-16 oryndardy sarapqa salýda. Olar ekinshi kezeńdegi birinshi oıynyn keshe Aýǵanstan quramasymen ótkizip, 3:0 (25-14, 25-13, 25-9) esebimen basym tústi. Endi búgin Taıpeı voleıbolshylarymen kúsh synasyp jatyr. Chempıonattyń qorytyndysy 29 qyrkúıekte ótetin aqtyq oıynda belgili bolady.
