Voleıbol: Azııa chempıonatynda qazaqstandyqtar 9-oryn úshin Avstralııamen kezdesýde
ALMATY. 22 qyrkúıek. QazAqparat /Erlik Erjanuly/ - Voleıboldan Qytaıdyń Taıpeı qalasynda áıelder komandalary arasynda ótip jatqan XVI Azııa chempıonatynda qazaqstandyqtar alǵashqy ondyqtyń qataryna endi. Búgin olar Avstralııa quramasymen 9-oryndy sarapqa salýda.
Qyrkúıektiń 15-i kúni bastalǵan bul dúbirli dodada Baqytjan Baıtórev jattyqtyratyn el quramasy alǵashqy kezeńde óz tobynda 3-oryn alyp, 1-8 orynǵa talasý múmkindiginen aırylyp qalǵan bolatyn. Dúısenbide ındonezııalyqtardy (25-18, 25-15, 25-16), sársenbide shrı-lankalyqtardy (25-9, 25-21, 25-9) 3:0 esebimen oısyrata utqan olar endi 9-orynǵa talasýǵa qol jetkizip otyr.
Jalpy Azııa chempıonatyna bıyl qurlyqtyń úzdik 13 komandasy qatysty. Olar bul básekede Azııa chempıonatynyń medaldary men Japonııada ótetin Álem kýbogynyń joldamasyn sarapqa salýda. Ol sondaı-aq, 2012 jylǵy Olıpıada oıyndary men Álemdik Gran-Prı jarsynyń irikteý týrnıri sanalady.
