Voleıbol: Áıelder quramasyna Álem chempıonatynda úzdik 16 komandanyń qataryna kirý mindeti qoıyldy
ALMATY. Qazannyń 18-i. QazAqparat /Erlik Erjanuly/ - Voleıboldan áıelder arasynda qazannyń 29-y men qarashanyń 14-i aralyǵynda Japonııada ótetin Álem chempıonatynda qazaqstandyqtar ekinshi kezeńge ótýdi aldyna maqsat etip qoıyp otyr.
Bul jaıly búgin Almatyda komanda músheleri men QR Voleıbol federatsııasy basshylarynyń qatysýmen ótken basqosýda aıtyldy.
"Álem chempıonatyna 14 oıynshy qatysady. Olardyń ishinde 6 jas oıynshy bar. Bizdiń topta, AQSh, Germanııa, Kýba, Horvatııa jáne Taıland quramalary bar. AQSh pen Kýba bul toptyń aıqyn kóshbasshylary. Biz onda Horvatııa men Taıland quramalarynyń osal tusyn taýyp, upaı alýǵa tyrysamyz", - deıdi QR Voleıbol federatsııasynyń Bas hatshysyErmek Syrlybaev.
Qazaqstandyqtar bıyl baıraqty iri básekelerde taılandtyqtarmen eki ret aqtyq synda ózara kezdesip, ekeýinde de qarsylastaryna ese jibergen bolatyn. Sondyqtan Nellı Şerbakovanyń shákirtteri onyń esesin endi Álem chempıonatynda qaıtarýǵa tyrysyp otyr.
Álem chempıonatynyń alǵashqy kezeńinde qazaqstandyqtar óner kórsetetin "S" tobynyń oıyndary qazannyń 29-y men qarashanyń 3-i aralyǵynda Matsýmoto qalasynda bolady. Aınalym júıesi boıynsha ótetin bul básekede 24 komanda 4 topqa bólingen. Qarashanyń 6-10-y kúnderi Tokıo men Nagoııa qalalarynda bolatyn ekinshi kezeńge 16 komanda ótedi. Onda "A", "D" toptarynda 1-4-shi oryn alǵan komandalar "E" tobyna, al "V", "S" toptarynda 1-4-shi oryn alǵandar F tobyna birigedi. Onda 1-2-shi oryn alǵandar qarashanyń 13-i kúni jartylaı fınalda 1-4-shi oryndardy, al 3-4-shi oryn alǵandar 5-8-shi oryndardy, al 5-6-shy orny alǵandar 9-12-shi oryndarǵa talasatyn bolady.
