Voleıbol: «Atyraý» Almatynyń «Býrevestnıgin» utty

ASTANA. KAZINFORM – Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Atyraý» men «Býrevestnık» alańǵa shyqty.

Osyǵan deıin almatylyqtar 29 upaımen besinshi orynda tursa, atyraýlyqtar altynshy satyda edi.

Budan buryn birinshilik barysynda «Atyraý» almatylyq klýbty 3:2 esebimen utqan bolatyn.

Bul joly Islam Jumabekovtiń shákirtterine úsh partııa jetkilikti boldy – 3:0 (25:17, 25:19, 25:22).

Osylaısha, 28 upaı jınaǵan atyraýlyqtar «Býrevestnıkke» (bas bapkeri Igor Nıkolchenko) jaqyndaı tústi.

Úshinshi týr qorytyndysy boıynsha «Atyraýdan» reseılik Ivan Nıkıshın, almatylyqtardan Oral voleıbolynyń túlegi, 41 jastaǵy lıbero Qaırat Baıbekov úzdik oıynshy atandy.

Eske sala keteıik, budan buryn «Pavlodar» klýbynyń «Esilden» aılasyn asyrǵanyn jazǵan bolatynbyz.