Voleıbol: «Arý-Astana» tartysty oıynda oraldyq komandany jeńdi

ASTANA. KAZINFORM – Taldyqorǵan qalasynda voleıboldan áıelderdiń ulttyq lıga komandalary arasynda Qazaqstan chempıonatynyń tórtinshi týrynda «Arý-Astana» men «Gratsııa KZ» alańǵa shyqty.

Pleı-off básekelerine shyǵýǵa múmkindik beretin úzdik segizdikke iligý úshin bul kezdesýdiń qos klýb úshin mańyzy erekshe edi. 

Týrnır kestesinde «Arý-Astanany» qýyp jetýdi maqsat etken Aına Ǵubasheva shákirtterine bul oıynda keminde úsh upaı alýy kerek bolatyn.

Birinshi partııada Meıirbek Nuǵyspanov jattyqtyratyn astanalyqtar 25:18 esebimen basymdylyq tanytsa, ekinshisinde «Gratsııa KZ» ese qaıyrdy – 26:24. Úshinshi sette oraldyqtar 9:4 esebimen alǵa ketkenimen, «Arý-Astana» qatarynan jeti dopty aldy – 11:9. Sodan keıin partııany óz esepterine jazdy – 25:19. 

Tórtinshi set sońynda «Gratsııa KZ» sátti oınady – 27:25.

Besinshi partııada astanalyqtar jeńisti julyp aldy – 15:12. Qorytyndy esep – 3:2. 

Osylaısha, 21 upaı jınaǵan «Arý-Astana» 8-orynǵa nyq jaıǵasty. 14 upaıy bar oraldyq komanda 9-satyda qaldy.

Bul kúni «Qýanysh» (SQO) pen «Qaraǵandy» arasyndaǵy oıyn da tartysty ótti. Munda soltústikqazaqstandyq voleıbolshylar (bas bapkeri Azamat Esimov) 3:2 (25:21, 18:25, 25:22, 21:25, 15:9) esebimen basym tústi. «Qýanysh» 60 upaımen burynǵysha úzdik úshtikti túıindep tur. 

Eske sala keteıik, budan buryn «Gratsııa KZ» komandasynyń «Almatydan» aılasyn asyrǵanyn jazǵan edik.