Voleıbol: «Altaı» komandasy qatarynan jetinshi ret Qazaqstan chempıony atandy
ASTANA. QazAqparat – Almaty qalasynda voleıboldan áıelderdiń Ulttyq lıga komandalary arasynda HHHІ Qazaqstan chempıonatynyń jeńimpaz-júldegerleri anyqtaldy, dep habarlaıdy QazAqparat tilshisi.
Osyǵan deıin altyn júldeni Óskemenniń «Altaıy» men Taldyqorǵannyń «Jetisý» komandasy sarapqa salyp júrse, bul joly jaǵdaı ózgerdi.
Fınalda ıÝrıı Panchenko jattyqtyratyn óskemendikter men serbııalyq maman Darko Dobreskov baptaıtyn «Qýanysh» (SQO) komandasy kezdesti.
Beısenbi kúni ótken alǵashqy match asa tartysty órbidi. «Altaı» men «Qýanysh» partııany kezek-kezek alyp otyrdy (25:23, 22:25, 26:24, 20:25). Sońǵy besinshi sette «Qýanysh» (komanda kapıtany Tatıana Aldoshına) 14:10 bolǵan mezette tórt matchboldy paıdalana almady. Esesine jınaqy oınaǵan, Sana Anarqulova bastaǵan óskemendikter olardy qapy qaldyryp ketti – 16:14.
Búgingi oıyn da bes partııaǵa sozylyp, sheshýshi sette «Altaı» (25:18, 17:25, 23:25, 25:22, 15:11) basym tústi.
Osylaısha, Óskemen komandasy qatarynan jeti ret altyn júldege ıe boldy.
Segiz dúrkin el chempıony atanǵan «Jetisý» komandasy qola júldeni qanaǵat tutty. Elena Pavlova jattyqtyratyn taldyqorǵandyqtar úshinshi oryn úshin básekede «Ertis» (Pavlodar) komandasyn 3:0, 3:1 esebimen jeńdi.
Eske sala keteıik, budan buryn voleıboldan «Altaıdyń» alty dúrkin el chempıony atanǵanyn jazǵan bolatynbyz.
Sondaı-aq «Altaı» voleıbol klýby qatarynan altynshy ret el kýbogyn utyp aldy.
