Voleıbol: «Altaı» Azııa chempıonatynyń jartylaı fınalyna shyqty
ASTANA. QazAqparat - Voleıboldan Vetnamda erler arasynda ótip jatqan klýbtyq Azııa chempıonatynyń jartylaı fınalyna shyqqan komandalar anyqtaldy.
Qazaqstan atynan synǵa túsip jatqan óskemendik «Altaı» komandasy óz tarıhynda alǵash ret jartylaı fınalǵa joldama aldy, dep habarlaıdydodasport.kz .
Shırek fınaldyq oıynda «Altaı» klýby qytaılyq «Beıtszın BAIK Motors» komandasyn úsh sette tize búktirdi. Alǵashqy eki partııada qytaılyq komanda «Altaı» voleıbolshylaryna set sońyna deıin qarsylyq tanytsa, sheshýshi sette qazaqstandyq klýb aıqyn basymdyqpen oıynǵa núkte qoıdy - 25:19, 25:22, 25:14. «Altaı» jartylaı fınalda japonııalyq «Toıoda Goseı Trefýerts» komandasymen fınaldyq joldamany sarapqa salady. Japonııalyq ujym óz kezeginde shırek fınalda týrnır qojaıyndary Vetnammen ótken tartysty matchta úsh sette jeńisti óz enshilerine jazdy - 3:0.
Ekinshi jartylaı fınaldyq matchta katarlyq «Al-Arabı» 2016 jylǵy klýbtyq Azııa chempıonatynyń jeńimpazdary ırandyq «Sarmae Bankpen» myqtylyq baıqasady. Katar eliniń komandasy shırek fınalda Qytaılyq Taıpeıden úsh sette basymdyq tanytsa, «Sarmae Bank» Irak elinen kelgen «Al-Bahrı» komandasynan myqty ekendikterin dáleldedi - 3:1.
«Altaı» klýbtyq týrnırdegi qatarynan altynshy jeńisine qol jetkizdi. Sondaı-aq qazaqstandyq komanda 2016 jylǵy nátıjelerin jaqsarta aldy. 2016 jyly «Altaı» týrnırdi besinshi orynmen qorytyndylaǵan bolatyn.
Erler arasyndaǵy klýbtyq Azııa chempıonaty. Vetnam. Shırek fınaldyq matchtardyń nátıjeleri.
«Al-Bahrı» (Irak) - «Sarmae Bank» (Iran) - 1:3 (12:25, 13:25, 25:23, 16:25)
«Altaı» (Qazaqstan) - «Beıtszın BAIK Motors» (Qytaı) - 3:0 (25:19, 25:22, 25:14)
Vetnam - «Toıota Gosseı Trefýerza» (Japonııa) - 0:3 (19:25, 20:25, 21:25)
«Al-Arabı» (Katar) - «Taıchýn Bank» (Qytaılyq Taıpeı) - 3:0 (25:19, 25:22, 25:16)
Jartylaı fınaldyq matchtar:
«Altaı» (Qazaqstan) - «Toıoda Goseı Trefýertsa» (Japonııa)
«Sarmae Bank» (Iran) - «Al-Arabı» (Katar)
