Voleıbol: «Altaı» Azııa chempıonatynda tórtinshi orynǵa ıe boldy
ÓSKEMEN. QazAqparat - Óskemende voleıboldan klýbtar arasyndaǵy Azııa chempıonatynyń jeńimpazdary anyqtaldy, dep habarlaıdy QazAqparat tilshisi.
QR Ulttyq Olımpıada komıtetinen málim etkendeı, Astananyń 20 jyldyǵyna oraılastyrylǵan týrnırde taılandtyq komanda jeńiske jetti.
Klýbtar arasyndaǵy Azııa chempıonatynda Taılandtyń «Sýprım» komandasy jeńiske jetti, ekinshi orynda japonııalyq «NEK Red Rokets» klýby. Úshinshi orynǵa qazaqstandyq «Altaıdy» jeńgen Qytaıdyń «Tszıansý» komandasy ıe boldy.
«Altaı» oıynshysy Olga Drobyshevskaıa týrnırdiń úzdik shabýylshysy, Natalıa Sharshakova úzdik ortalyq tosqaýylshy atandy.
Klýbtar arasyndaǵy Azııa chempıonaty, Óskemen:
1. «Sýprım» (Taıland)
2. «NEK Red Rokets» (Japonııa)
3. «Tszıansý» (Qytaı)
4. «ALTAI» (Qazaqstan)
5. «Garýda» (Indonezııa)
6. «Paıkan» (Iran)
7. «VTV Bın Den Long Av» (Vetnam)
8. «CMFC» (Qytaılyq Taıbeı)
9. «Lanka Laıons» (Shrı-Lanka).
