Voleıbol: «Altaı» alty dúrkin el chempıony atandy
NUR-SULTAN. QazAqparat – Taldyqorǵan qalasynda voleıboldan áıelderdiń Ulttyq lıga komandalary arasynda QR HHH chempıonaty márege jetti, dep habarlaıdy QazAqparat tilshisi.
Pleı-off básekelerinde altyn júldeni «Altaı» (Óskemen) men «Jetisý» (Taldyqorǵan) komandalary sarapqa saldy.
Ótken jyly da qos klýb fınalda kezdesip, serbııalyq maman Marko Grshıch jattyqtyratyn óskemendikter jeńimpaz atanǵan edi. Budan keıin «Jetisý» klýbynda túrkııalyq maman Janbolat Býrhannyń ornyna belgili voleıbolshy Elena Pavlova kelgen bolatyn.
Bıyl qos fınaldyq oıynda da «Altaıdyń» mereıi ústem boldy. Búgingi matchta óskemendikter 25:19, 25:16, 25:18 esebimen utyp, qarsylasyna des bermedi. Komanda kapıtany, Oral voleıbolynyń túlegi Sana Anarqulovaǵa qosa ýkraınalyq Nadejda Kodola, serbııalyq baılanystyrýshy Danıtsa Radenkovıch, sondaı-aq qazaqstandyqtar Polına Ýfımtseva, Krıstına Belova,Krıstına Anıkonova, lıbero Mádına Beket jeńiske súbeli úlesterin qosty.
Osylaısha «Altaı» alty dúrkin el chempıony atandy.
«Jetisý» kúmispen kúptelse, soltústikqazaqstandyq «Qýanysh» eki jyl qatarynan qola júldege ıe boldy.
Saltanatty rásimde úzdik oıynshylar da marapattaldy.
Eske sala keteıik, budan buryn «Altaıdyń» besinshi ret el chempıony atanǵanyn, fınalǵa shyqqan komandalar anyqtalǵanyn jazǵan bolatynbyz.
