Voleıbol: Almatyda Qazaqstan chempıonatynyń 1-týr oıyndary ótýde
ALMATY. 12 qarasha. QazAqparat /Erlik Erjanuly/ - Almatyda voleıboldan Joǵary lıganyń "A" tobyndaǵy erler komandalary arasynda XIX Qazaqstan chempıonatynyń 1-týrynyń oıyndary ótýde. Onda Ońtústik Qazaqstan memlekettik ýnıversıtetiniń «OQMÝ-Qazyǵurt» komandasy barlyq qarsylastaryn utýda.
Alǵashqy 3 kúnniń qorytyndysy boıynsha «OQMÝ-Qazyǵurt» týrnır kestesinde kósh bastady. Olar "QazUAÝ"-dy 3:0, "Jaıyq-Kondensat" pen «Ertis-AO AQ» komandalaryn 3:1 esebimen utty. Al "QazUÝ" Almaty qalasynyń kelesi bir komandasyn ( TsSKA) 3:1, atyraýlyqtardy (Atyraý-2) 3:0 esebimen jeńdi. Oraldyń "Jaıyq-Kondensaty" men Pavlodardyń "Ertis-AO AQ" arasyndaǵy kedesý 1:3 bop aıaqtaldy. Ózge kezdesýde oraldyqtar Qyzyljardyń "Esil-Vıktorııasyn (3:0) utsa, pavdarlyqtar Astananyń "Ushqyn-Iskrasyna" 1:3 esebimen ese jiberdi.
Qazaq ulttyq agrarlyq ýnıversıtetiniń sport zalynda ótip jatqan bul jarys 9-qarashada bastalǵan bolatyn. Ol 16 qarasha kúni márege jetedi.
