Voleıbol: «Almaty» chempıon atandy
ORAL. QazAqparat - Búgin Taraz qalasynda voleıboldan erlerdiń ulttyq lıga komandalary arasynda el chempıonaty márege jetti.
Sońǵy básekede altyn medal úshin «Almaty» jáne Oraldyń «Kondensat-Jaıyqmunaı» komandalary synǵa tústi. Bul kezdesýde almatylyqtar 3:1 esebimen jeńiske jetip, el chempıony ataǵyn kezekti ret jeńip aldy. Endi Rafael Gılıazýtdınovtiń shákirtteri aldaǵy sáýir aıynda klýbtyq komandalar arasynda Azııa chempıonatynda Qazaqstan namysyn qorǵaıtyn bolady.
Kúmis júlde - budan on úsh jyl buryn el chempıony atanyp kórgen, degenmen sońǵy jyldary bıik tuǵyrǵa qol soza almaı júrgen oraldyqtar úshin úlken jetistik.
Búkil birinshilik boıy kósh bastaǵan batysqazaqstandyqtar jeńimpaz atanatyn óz múmkindikterin paıdalana almady. Oralǵa oıynshy retinde kelip, qazaq qyzyna úılenip, turaqtap qalǵan Igor Nıkolchenkonyń shákirtteri negizinen jergilikti voleıbolshylar. Atap aıtqanda, búgingi alańda óner kórsetken ýkraınalyq qos legıoner, baılanystyrýshy Roman Handrolın men Rýslan Şevtsovtan basqalary, Qazaqstan ulttyq quramasynyń múshesi Vıtalıı Vorıvodın, Anton Kýznetsov, Vladımır Prokofev, Petr Chýrzın jáne lıbero Mırlan Badashev - bári de Batys Qazaqstan voleıbolynyń túlekteri. Jáne olardyń deni jas ekendigin eskergende, bolashaǵy da zor ekendigin baıqaýǵa bolady.
