Voleıbol: Álem chempıonatyndaǵy qazaqstandyq voleıbolshylardyń kelesi qarsylasy AQSh quramasy bolmaq
ALMATY. 1 qarasha. QazAqparat /Erlik Erjanuly/ - Voleıboldan Japonııada ótip jatqan áıelder arasyndaǵy Álem chempıonatynda Nellı Şerbakova jattyqtyratyn qazaqstandyqtar kelesi oıynyn erteń AQSh quramasymen ótkizedi. Olar buǵan deıingi 3 oıynda Germanııaǵa 3, Taılandqa 3:1, Kýbaǵa 3:2 esebimen ese jibergen bolatyn.
Endi sońǵy 2 oıynyn AQSh pen Horvatııa voleıbolshylarymen ótkizedi. Búgin barlyq komandalar bir kúndik úzilis alyp otyr. Qazaqstandyqtardyń bul jolǵy qarsylastarynan AQSh voleıbolshylary alǵashqy 3 oıynda Taılandty 3:1, Horovatııa men Germanııany 3:0 etip jeńgen edi. Al horvattar kýbalyqtardy 3:0 etip jeńgenmen AQSh pen Taıland quramalaryna dál osyndaı eseppen oısyraı utyldy. Jalpy qazanyń 29-y men qarashanyń 3-i aralyǵynda ótetin alǵashqy kezeńdi quramynda Qazaqstan quramasy engen «S» toby Matsýmoto qalasynda ótkizip jatyr. Qarashanyń 6-10 ótetin ekinshi kezeńge endi ár toptan úzdik 4 komanda qatysady. Olar segiz-segizden E, F tobyna birigip Tokıo men Nagoııa qalasynda jarysty odan ary jalǵastyrmaq. Qazaqstan óz tobynda úzdik tórttikke ilinetin bolsa bul saıysta F tobynda óner kórsetýge múmkindik alady.
