Voleıbol: álem chempıonatyna alǵash qatysqan jastar quramasy 14-orynǵa turaqtady

ASTANA. KAZINFORM — Qytaıdyń Tszıanmen qalasynda voleıboldan 21 jasqa deıingiler arasynda ótip jatqan HHІІІ álem chempıonatynda Qazaqstan quramasy sońǵy kezdesýin ótkizdi.

Sergeı Trıkoz jattyqtyratyn qazaqstandyq jastar 13-oryn úshin matchta Mysyr komandasymen synǵa tústi. 

Alǵashqy eki partııada mysyrlyqtar basymdylyq tanytty — 25:22, 25:19.

Úshinshi sette de olar 13:7 esebimen alǵa ketti. Degenmen qazaqstandyqtar tarazy basyn teńestire bildi. Áıtse de tartysty set sońynda sáttilik qarsylas jaǵynda boldy — 30:28.
Qorytyndy esep — 3:0, Mysyrdyń paıdasynda.

Osylaısha, álem chempıonatyna alǵash ret qatysqan Qazaqstan jastar quramasy 14-orynǵa taban tiredi. 

Eske sala keteıik, budan buryn voleıboldan álem chempıonatynda Qazaqstan jastary Argentınadan aılasyn asyrǵanyn jazǵan edik.