Voleıbol: «Aqtóbe» túrkistandyq «Turandy» utty

ASTANA. KAZINFORM — Taldyqorǵan qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń tórtinshi týrynda «Aqtóbe» men «Turan» (Túrkistan) sheberlik baıqasty.

Ótken jyly el chempıony atanǵan «Turan» klýby (bas bapkeri Asqar Shalqybekov) 46 upaımen tórtinshi orynnan úmitti edi. Ol úshin reseılik maman ıÝrıı Panchenko jattyqtyratyn «Aqtóbeni» jeńýi kerek bolatyn.

Alaıda aqtóbelikter túrkistandyqtarǵa tosqaýyl qoıdy — 3:1 (25:22, 25:27, 25:15, 25:18).

Osylaısha, tórtinshi týrdyń sońǵy kúni ózara kezdesýde «Turan» 50 upaıy bar «Qaraǵandyny» jeńse de, oǵan jete almaıdy. 

Úzdik úshtiktegi «Qýanysh» (SQO) «Almatyny» 3:0 (25:15, 25:20, 25:22) tize búktirip, ekinshi oryndaǵy «Berelden» bir ǵana upaıǵa qalyp tur. 

Pavlodardyń «Ertisin» 3:1 (25:19, 15:25, 25:18, 25:16) esebimen utqan «Gratsııa KZ» (Oral) komandasy 9-satyda qaldy.

«Arý-Astanadan» 3:0 (25:15, 25:16, 25:13) esebimen aılasyn asyrǵan kósh basyndaǵy «Jetisý» (Taldyqorǵan) upaı sanyn 73-ke jetkizdi.

Seısenbi kúni tórtinshi týr «Almaty» — «Berel», «Aqtóbe» — «Ertis», «Arý-Astana» — «Qýanysh», «Jetisý» — «Gratsııa KZ» matchtarymen márege jetedi.

Eske sala keteıik, budan buryn «Berel» komandasynyń «Qaraǵandydan» jeńilip qalǵanyn jazǵan edik.