Voleıbol: «Aqtóbe» komandasy «Almatyny» jeńdi

PETROPAVL. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonaty úshinshi týrynyń oıyndary ótip jatyr. 

Juma kúni alańǵa alǵashqy bolyp «Almaty» men «Aqtóbe» komandalary shyqty. 

Osyǵan deıin qos klýb 18 upaıdan jınap, týrnır kestesinde 6-7-oryndarda turǵan edi. Bul joly kambek jasaǵan aqtóbelikter 3:1 (24:26, 25:12, 25:9, 25:17) esebimen jeńiske jetip, 21 upaımen 6-satyǵa kóterildi. 

Ótken jylǵy el chempıony «Turan» (Túrkistan) «Arý-Astanany» 3:0 (25:15, 25:20, 25:13) esebimen qıyndyqsyz jeńdi. 

Túrkistandyqtar 37 upaımen úzdik tórttikti túıindep tur. 

Kósh sońyndaǵy Pavlodardyń «Ertisin» 3:0 (25:21, 25:18, 25:15) esebimen tize búktirgen «Qaraǵandy» 36 upaı jınap, 5-satyǵa turaqtady. 

Eske sala keteıik, budan buryn Petropavldaǵy týrda úsh komanda jeńilissiz kele jatqanyn jazǵan bolatynbyz.