Voleıbol: 5-týrdyń oıyndary Óskemende ótedi
ALMATY. 7 sáýir. QazAqparat /Erlik Erjanuly/ - Óskemende 11-16 sáýir kúnderi voleıboldan Joǵary lıgadaǵy áıelder komandalary arasynda HІH Qazaqstan chempıonatynyń aqtyq týry bolady.
Alǵashqy 3 týrdyń qorytyndysy boıynsha 4 týrdan bastap týrnır kestesindegi alǵashqy 6 komanda 1-6-ynshy, al ózge 4 komanda 7-10-oryndardy sarapqa salýda.
Buǵan deıingi 4 týrdyń qorytyndysy boıynsha 66 upaımen Óskemenniń «Shyǵys-QorǵasynQurylys» komandasy kósh bastap tur. Ony ókshelep kele jatqan Temirtaýdyń «Spartak AMT» qorjynynda - 52, al Qostanaıdyń «Ivolgasynda» - 49 upaı bar. Odan keıingi orynda júldeli oryndardan áli úmitin úze qoımaǵan Oraldyń «Gratsııa-KZ»( 41 upaı), Almatynyń «Almaty-TsSKA» (38 upaı) jáne Qaraǵandy oblysynyń «Qaraǵandy-2» (23 upaı) komandalary kele jatyr. Al týrnır kestesiniń ekinshi bóliginde Astananyń «Astana-2» ( 38 upaı), Pavlodardyń «Qazhrom» (31 upaı), Shymkenttiń "Qazyǵurt» ( 7 upaı) jáne Almaty oblysynyń "Jetysý-2" ( 6 upaı) komandalary tur.
